ياولاد بلدنا المحروسة
الموكوسة
محسبكوا جى يبيع كوسة
وشوية قرع
*************
كوستنا كوسة ممتازة
وقت العازة
تجيب وظيفة وجوازة
وفتاوى الشرع
*************
كوستنا درجتها الأولى
كوسة عمولة
بتنهى وتجيب الفولة
من قبل الزرع
*************
كوستنا م الباشا والبيه
حتة كارنية
يطلع فى وش ولاد الأيه
أحسن مطلع
************
بالكوسة تفرح تتهنى
أخرة و دنيا
يمكن كمان تدخل جنة
وفى أحسن فرع
هناك 7 تعليقات:
مرعرعة ومفرعة وحبيبة الكل
مدونتك رائعه ومقالك الاخير ينم عن موهبه جباره
ارجوا زيارتك على مدونه صوت الحريه
عصفور المدينة
ومزهرة ومُثمرة وموظفة الكبار وظالمة الصغار وقلب ميزان دنيا مقلوبة ورغم كده متعدلش
تعليقك دوماً يسعدنى
حسام يحيي
أشكرك على رأيك وإن شاء الله تلاقينى قريب عندك، بس فيه ملحوظة صغيرة :المنشور ده شعر مش مقال
انا عارف
انا اقصد المكتوب عندك فى اخر تدوينة
وشكرا لزيارتك عندى واتمنى تكرارها
ايه ده انت مش بتبيع حاجه غير الكوسه
انا كل مروح حتة الاقي كوسة كوسه
متشوفلنا حاجة تانية مش بحب الكوسه
هي البلد دي مبقتش بتزرع غير كوسة ولا ايه
امتى هنزرع حاجة تانيه
زهقت من الكوسه
عزيزتى لولا:
الخضار كله موجود والحمد لله
لكن مفيش حاجة سوقها وماشى ومطلوبة غير الكوسة..وكمان دى مصرية 100%يعنى عمرها ماتكون مسرطنة
إرسال تعليق