أنا منك
أنا ليكي
أنا المولود على أيديكى
أنا المكتوب على أسمك
وكل ماقيا منيكي
دا حتى لحمى من طينك
وشوفى سمارى من نيلك
وقلبى عاش يغنيلك
يغنيكى
يناديكى
عشان منك..
عشان ليكى..
عشان مولود على أيديكى
***************
أنا منك
أنا أبنك
أنا المولود على كفك
أنا الغريب على أرضك
أنا اللى حلفت أشيل همك..
ولو همك بحور وجبال
هأشيله..وقده وزياده
أنا المصرى..
أنا أرادة..
عشان خاطرك ياولادة..
أشوف أهوال
عشان خاطرك صحيح يا أمه
أخوض الزحمه والضلمه
ولا تباتى على العتمه
ولا يبات لك جناح مكسور
دا أنا لو ضاقت الدنيا
أجيب لك من عنيا النور
ينور تانى أراضيكي
ماهو منك..ماهو ليكى
ماهو مولود على أيديكى
هناك تعليقان (2):
الله ينور يا بني ايه الجمال ده
دا من بعض ماعندكم ياجميل
ودى تيجى أية جنب سحابة وتعدى ولا يالا نفضحهم
إرسال تعليق