الوان خشب
خرحت على حد الأدب
رسمت حمامه ووردتين
زعماء عرب
عارفين تمام حد الأدب
نشجب..ونستنكر.. ندين
وأدى السؤال من غير خطب
من غير هتاف ونبرة غضب
تختار فريقك يبقى مين؟؟
ألوان خشب..زعماء عرب
دول كفتين
****************
ألوان خشب
عاشت سنين من غير مداد
أصل المداد من قلبها
من دمها
شافت كتير طافت بلاد
رسمت ابوها وامها
دول اهلها
ألوان خشب ليها سنون
ليها عيون
كافحت لألف شعب
بألف شكل
وألف لون
لكن التاريخ نسي اسمها
يمكن عشان بعد النضال
وقت السعاده والهنا
شافت السرور على الجميع
شافت فرح
سمعت غنا
ضحكت ونامت فى العلب
إكمنها ....الوان خشب
***************
زعماء عرب
ورثوا الزعامه ضمن تركه
دوله وشعب كله طيبه
دخلوا التاريخ من انهى سكه
الطيبه ولا المريبه
عايز الحقيقه
ورثونا عزبه وكوم عبيد
حكمونا بالنار والحديد
قلنا نضال قالوا هدوء
نصلوا من غير شوشرة
خلى نضالكوا من سكات
وان حد فيكم وقع ومات
قولوا سماح
العفو عند المقدرة
طب يا زعيم
طب يازعيم يا ابن ال؟؟؟
يا ابن الزعيم
يا ملك الزمن الاثيم
ممكن مسائله صغيرة
عشمتنا ليه بالوعود
وطريق مفروش بالورود
وسحبتنا تانى لورا
عشمتنا ليه بالكلام وبالخطب
وبعد مابقيت لينا زعيم
ديل الكلب رجع لعب
راح عنك طبع الكريم
وطبع اللئيم قوام غلب
يمكن عشان اصلك قديم
فى شله زعماء العرب
***************
أدى السؤال من غير خطب
من غير هتاف ونبرة غضب
تختار فريقك يبقى مين
ألوان خشب
زعماء عرب
دول كفتين
خرحت على حد الأدب
رسمت حمامه ووردتين
زعماء عرب
عارفين تمام حد الأدب
نشجب..ونستنكر.. ندين
وأدى السؤال من غير خطب
من غير هتاف ونبرة غضب
تختار فريقك يبقى مين؟؟
ألوان خشب..زعماء عرب
دول كفتين
****************
ألوان خشب
عاشت سنين من غير مداد
أصل المداد من قلبها
من دمها
شافت كتير طافت بلاد
رسمت ابوها وامها
دول اهلها
ألوان خشب ليها سنون
ليها عيون
كافحت لألف شعب
بألف شكل
وألف لون
لكن التاريخ نسي اسمها
يمكن عشان بعد النضال
وقت السعاده والهنا
شافت السرور على الجميع
شافت فرح
سمعت غنا
ضحكت ونامت فى العلب
إكمنها ....الوان خشب
***************
زعماء عرب
ورثوا الزعامه ضمن تركه
دوله وشعب كله طيبه
دخلوا التاريخ من انهى سكه
الطيبه ولا المريبه
عايز الحقيقه
ورثونا عزبه وكوم عبيد
حكمونا بالنار والحديد
قلنا نضال قالوا هدوء
نصلوا من غير شوشرة
خلى نضالكوا من سكات
وان حد فيكم وقع ومات
قولوا سماح
العفو عند المقدرة
طب يا زعيم
طب يازعيم يا ابن ال؟؟؟
يا ابن الزعيم
يا ملك الزمن الاثيم
ممكن مسائله صغيرة
عشمتنا ليه بالوعود
وطريق مفروش بالورود
وسحبتنا تانى لورا
عشمتنا ليه بالكلام وبالخطب
وبعد مابقيت لينا زعيم
ديل الكلب رجع لعب
راح عنك طبع الكريم
وطبع اللئيم قوام غلب
يمكن عشان اصلك قديم
فى شله زعماء العرب
***************
أدى السؤال من غير خطب
من غير هتاف ونبرة غضب
تختار فريقك يبقى مين
ألوان خشب
زعماء عرب
دول كفتين
هناك 7 تعليقات:
أقلام مقصوفة بلا ألوان ولا صوت ولا سن يرجى أن يكتب يوما
مش عارف ياعصفور انت شفتها كده أزاى؟؟...بس هى اقلام ساذجة مش اكتر ،لكن هى ليها ألوان جميلة وكلمات اجمل
ثم كمان انا مفهمتش القصبدة عجبتك ولا لأ
السلام عليكم
طبعا القصيدة عجبتني ولكن أنا باتكلم عن الشعب الصامت
متشكر جداً على كلمة طبعاً دى
والشعب الصامت...ميت،لكن شعب مصر لسه بيحتضر ممكن ننقذه وممكن لأ
والله ده شىء رائع بس لو ممكن تعمل نوع من الوزن والقافيى بسيطة علشان يعمل نوع من الموسيقى أكيد حيبقى احلى .
أنا عارف ان الزجل مش مرتبط بوزن وقافية بس انا من راى انا ميمنعش اننا نستخدم بعض الكلمات التى تعطي الموسيقى التى تجذب الفرد معك اكثر بجانب المعانى الرائعة .أخوك اسلام بسيونى
السلام عليكم ورحمة الله وبركاته
القصيدة أكثر من رائعة
وكلماتها معبرة
ربنا يوفقك
تقبل تحياتي
انا منتظر منك الجديد ممكن تمتعنا يا اخ عبد القوي
إرسال تعليق