وقفة حداد..طالت قوى
جابت ملل
وقفة حداد..أتكررت
ربت علل
وكل يوم على الجثث
بنقيم صلاة
وكل يوم بتنخطف
منا حياة
وكل يوم جوانا لأ
بنقولها آه
يمكن عشان جوه القلوب
فاضل أمل
رغم الملل
رغم العلل
رغم الحداد
**************
وقفة حداد
قبل العزا..قبل البكا
وقفة حداد
دقيقة واحدة متفبركة
أمتى يكون
قبل الحداد فيه معركة
فيها شهادة ولا نصر
طعم العسل
ينهى الملل
ينهي العلل
ينهي الحداد
************
وقفة حداد
حسب اللباقة والكياسة
وقفة حداد
أول دروس السياسة
وقفة حداد
وقفة قرف..وقفة تعاسة
وقفتنا بقى بينضرب
بيها المثل
تنهى الأمل
تحيي العلل
تعمل حداد
هناك 12 تعليقًا:
ما أروع قلمك
بارك الله فيك
امتى يكون قبل الحداد فيه معركة
فيها شهادة ولا نصر
كلمات أكثر من رائعة
من قلب راقي نابعة
جزيت خيراً
مع انها صغيرة بس جامده جامده
السلام عليكم
تسلم أيدك
اللهم غير الحال الى أحسن حال
اللهم آمين
جميل نزف قلمك بما يئن به صدرك.. من واقع عليل
...
موسيقى ومعاني الابيات سلسلة ...
دمت بكل ود..
خالص تحياتي
عصفور المدينة
إن البوست يعجبك فدى حاجة تفرحنى
إن البوست يعجبك لدرجة التعليق فدى حاجة تسعدنى
إن البوست يعجبك لدرجة انك تحطه ضمن تدويناتك المختارة يبقى انت عايزنى اتغر بقى
شكراً على كلماتك الجميلة
أمير القلوب
أتمنى انى اكون استحق الكلام ده بجد..شكراً على التعليق
محمد عبد الجليل
العبرة مش بالحجم يامدون الأرصاد الجوية..وعلى راى ممثلات الايام دى ..احنا بنركز على الكيف لا الكم
متشكر ياجاليلو على الكومنت بس ابقى كرر الزيارة
كرم مسلم
لا يغير الله ما بقوم حتى يغيروا ما بأنفسهم
اللهم أعانا على إصلاح نفوسنا
اللهم أمين
أهلاً بك فى زيارتك الأولى
أسامة
كذلك لك تحياتى
وشكراً على التعبير الجميل ويارب ماتبقاش اخر زيارة
تسلم الايد الي مسكت القلم
ويسلم القلم الي كتب على الورق
ويسلم صاحب الورقة والقلم
تحياتي ليك
لولا..شكراً
إرسال تعليق