خلصت امتحانات يا بشر
هيييييييييييييه
بعد اللجنة
وبعد الفاصل
عدنا ندون
عدنا نواصل
عدنا ننقل بثنا ليكوا
عن الجارى
وعن الحاصل
******
بعد الحبسة
جوة اللجنة
عدنا ننقل نبض الشارع
بعد تخلف فى مناهجنا
عدنا تانى ننط موانع
راجعين هنا علشان نتعلم
ننطق ..نكتب ..أو نتكلم
لكن جوة لجان الجامعة
مركز تفكيرنا كان فاصل
عدنا ندون
عدنا نواصل
**********
بعد اللجنة الوقت الفاضى
ولا كورس ولا محاضرة
أعمل فيها عم القاضى
ولا زعيم حركة النهضة
يعنى أتكلم من جوايا
يعنى أطلع ألف هواية
يعنى أصحح مفهوم خاطئ
إن أجازتى فرض كفاية
كل أجازة وأنتوا بخير
وانتوا بتدونوا حياتكوا
بكرة كلامكم يطرح طير
يعبر كل أسوار لجنتكوا
بكرة هيعلى صوتنا العالى
صوتنا الغالى
صوتنا الباسل
بعد اللجنة
وبعد الفاصل
عدنا ندون
عدنا نواصل
تحياتى لكل المدونين اللى خلصوا أمتحاناتهم ، وعقبال الباقيين ، وبالنجاح والتوفيق للجميع
وأسف على مستوى الزجل بس دي لحظة حماس بعد أنتهاء أخر يوم أمتحانات
هناك 7 تعليقات:
عقبال النتيجة ان شاء الله...بالنجاح طبعااااا
تحياتي
a.samir
شكرا لعى شعورك الطيب وعقبالك وعقبال كل المدونين
حمدلله على سلامتك يا فندم من الامتحانات وكابوس الامتحانات ..
تدوينة جميلة حاسة فيها جداا بشعور الطالب اللى لسة سايب ورقة الامتحان ..
ببساطة مبروك
مصر اللى مشفتهاش
الله يسلمك يافندم..كابوس وأنزاح والحمد لله ، وعلى رأى واحد صاحبى سنة وعدت
شكرا على رأيك فى التدوينة وهى فعلا مكتوبة بعد الأمتحان بساعتين بس
mr - biboooo
ببساطة
الله يبارك فيك
مش عارفة
بس كل تدوينة وانت طيب
وكمان كل تدوينة وانت عفوي
بالتوفيق
إرسال تعليق