صباح معطر بالياسمين
على عيونك يا حكومة
صباح قفا ومعاه قلمين
على ضربتين من الشومة
أحنا الشعوب المسلوبة
أحنا القلوب المكروبة
أحنا النفوس المغلوبة
على أمرها وملهاش قومة
صباح معطر بالياسمين
على عيونك يا حكومة
صباح بايعنا وخصخصنا
صباح رامانا ورخصنا
صباح سطلنا ورقصنا
على دوم تتك دومة دومة دومة
صباح معطر بالياسمين
على عيونك يا حكومة
صباح دلع ولبان سحرى
ودعم يتلغى ويجرى
صباح ناموسيته كحلى
ما تفوقوا بقى من دي النومة
صباح معطر بالياسمين
على عيونك يا حكومة
هناك 9 تعليقات:
www.amaiurzaleak.blogspot.com
xabi
thanks for your link
but please , if you visit my blog again , letbn your comment
ok
شعوب مسلوبه وقلوبه مكروبه ايه
احنا فل خالص والحياه حلوة
اكيد انت بتكلم عن شعب تانى وحكومه تانيه
ربنا يسترها علينا داحنا غلابه
بس الصراحه القصيده حلوة اوى
بس اكيد حد تانى الى بتكلم عنه
استرها يااااااااااااارب
لولا
لأ ياستى انا بتكلم عن مصر
وعن الشعب المصرى
بس الكلام ده كاتبه من زمااااااااااااان قوى قبل ربنا ما يرزقنا بحكومتنا الرشيدة الوطنية الحلوة دي اللى ملهاش مثيل وبتشيل البقع من اول غسلة ع البارد والألوان ثابتة مابتبهتش
يعنى حكومة فل ومية مية
وربنايسترها علينا دا احنا غلابة
الله الله الله عظمة علي عظمة يا ست بس والله جامد جامد يعني
اللة يكرمك يا اختى
بقى دي اخرتها ياجاليليو
طيب
انا شايف ان الانسان اللى بيكتب ده انسان فاضى وماعندوش حاجه يعملها ده مثلا لو بتوع الحزب الوطنى يدوله فرصه اسف ياحزب انا بقول لو اعمل انت جمله اعتراضيه مع نفسك هو ح يسيب الوهم الفى دماغه ويجررررررررررررررررررررررررررررى
إلى الأخ الغير معرف اللى عارف أنى أنا عارفة كويس
صفحة المدونة مش للهزار يامتر ، وأنت عارف كويس ان العبد لله لو قال ياحزب هيكون فيه من بكرة ن مش جبروت منى ولكن دا لأن الحزب بتاعك بيلملم وبياخد كل اللى يجى له
وع العموم الزمان انا اهو وانت اهو ، انا برة الحزب وانت جواه ونشوف مين اللى هيضحك فى الأخر
الأيام بيننا
إرسال تعليق