:الواهم
يمكن .. يجوز .. أو محتمل
الشعب ده عـنـده أمــل
إن الزعيم يشبع زعامة
ويسبنا يوم من الملل
يمكن يجوز ..أو محتمل
:النائم
يمكن يجوز .. طب لأ ليه
يحط حصوة فى عنيه
يقول كفاية كدة عليه
وكفاية كده علينا العلل
:الحالم
يمكن يجوز ..شيء مش بعيد
يتولد ما بنا الولــيد
يكسر بسيفه الحديد
كل سيف خشب أتعمل
يمكن يجوز ..أو محتمل
:العالم
شيء لا ممكن..دا مستحيل
من غير شموس هنعيش فى ليل
سيبكوا من الأمل الطويل
بالثورة الميل يتعدل
يمكن يجوز ..أو محتمل
:الفاهم
يمكن يجوز ألف أحتمال
وسباحة فى بحر الخيال
هى البلد عايزة رجال
ولا عايزة رصة قـلل
يمكن يجوز..ومحتمل
هناك 7 تعليقات:
كلام رائع جداا جداااااا..واحنا فى انتظار المحتمل ..!
تدوينه حلوه اوي
مافيش حاجه اسمها مش محتمله الايام دي
-ولية لأممكن اوى ويجوز أوى ومحتمل ع الآااخر
مدش عاارف بكرة فية إية بس اللى عارفينة إن كل يوم أسوء ف اجات كتيير أوى
مصر اللى مشفتهاش
يسمع من بقك ربنا...وان كنت استبعد انه يعمل كده من نفسه..ملل يعنى
عاشقة الفردوس
انا هنا مش براهن على القدر .. انا براهن على الأنسان ، اللى معتقد ان الظالم ممكن يحس بالمظلوم فيقوم سايبه من نفسه يبقى بيحلم
مستحيل
دعاء مواجهات
شكرا على روحك الرياضية وتشريفك لمدونتى المتواضعة ...أتمنى تكرار الزيارة
ردى على كلامك نفس ردى على عاشقة الفردوس واتفق معك فى ان الأيان رايحة للأسؤ دايما
إرسال تعليق